米米今次同屋企人去左百樂酒店既Park Cafe食下午茶自助餐呀！今次以「抹茶．甜蜜地圖」做主題，成人收費加埋一都係二百頭一位，真心抵食架，記得睇哂全文睇下有咩食啦！
唔好以為呢個只係食甜品，其實除左甜品之外仲有仲有好多野食架！
首先大家食自助餐必定要食冷盤先，冷盤有刺身、壽司、仲有冰鎮海鮮包括凍蝦、大蜆同青口！係無限量供應，仲要Refill得好快！食物質素都唔差架！冷盤仲有沙律、Coldcut、冷面等等！
淨係食呢度已經值回票價
除左冷盤之外仲有十幾款唔同既熱食，多到都唔知食邊樣先，唔使擔心唔夠野食，只需要擔心自己個肚仔擺唔擺得落咁多美食
最後就緊係甜品啦，有好多款抹茶甜品，包括 抹茶流心多士、抹茶豆腐慕絲蛋糕、紅豆抹茶卷、抹茶朱古力慕絲蛋糕、抹茶林明頓、抹茶忌廉芭芙、抹茶北海道3.6牛乳奶凍和抹茶牛油鬆餅，仲有抹茶朱古力噴泉呀！佢地採用京都優質宇治抹茶，所以味道好香！抹茶控必定滿足，最好既地方係唔會太甜，當中必試既一定係抹茶心太軟，抹茶味好香，新鮮整出黎，令人回味無窮！
另一回本位就雪糕呀，有Dreyer’s雪糕任食，200幾蚊係唔係好抵食？
下什茶自助餐優惠
1. 生日優惠：每4位惠顧下午茶自助餐，1位當月的生日之星可免費享用，同行賓客可享8折優惠
2. 長者小童優惠：65歲或以上長者可享65折優惠；6至11歲之小童可享半價惠顧；6歲以下小童免費；惟不適用於指定日子
3. Facebook優惠：凡「讚好」香港百樂酒店Facebook專頁，並出示Facebook優惠券，即可享75折優惠 (折扣及加一後，星期六、日及公眾假期成人每位淨價HK$219.3)
Park café (尖沙咀)
尖沙咀漆咸道南61-65號香港百樂酒店4樓
———————————————
#自助餐 #自助餐優惠 #下午茶 #下午茶時間 #下午茶自助餐 #百樂酒店 #buffet #teabuffet #親子好去處 #親子活動 #吃貨 #吃貨日記 #吃貨女孩 #香港好去處 #香港美食 #香港好去處 @ 香港百樂酒店4樓park café
Search